August 31, 2013

”தமிழ்க்குடில் அறக்கட்டளை பொதுநூலக திறப்புவிழா” - அழைப்பிதழ்

தமிழ்க்குடில் குடும்ப உறுப்பினர்களுக்கு தமிழ்க்குடில் நிர்வாகிகளின் அன்பான வணக்கம்.
 



தமிழ்க்குடில் அறக்கட்டளையால் தோற்றுவிக்கப்பட்டிருக்கும் இணைய வசதியுடன் கூடிய பொதுநூலக திறப்புவிழாவின் அழைப்பிதழ் தங்கள் அனைவருடன் பகிர்வதில் மகிழ்ச்சியடைகிறோம். இந்த மாதம் 09-09-2013 அன்று அரியலூர் மாவட்டம், சிலம்பூரில் நடக்கவிருக்கும் நம் தமிழ்க்குடில் அறக்கட்டளையின் பொதுநூலகத்திறப்பு விழாவிற்கு தாங்கள் தங்கள் குடும்பம் மற்றும் நட்புடன் வருகை தந்து கலந்துகொள்ளும்படி அன்புடன் அழைக்கிறோம். இந்த அழைப்பிதழையே தங்களுக்கு தமிழ்க்குடில் நிர்வாகம் அனுப்பிவைத்திருக்கும் தனித்த அழைப்பாக ஏற்றுக்கொண்டு, விழாவிற்கு வருகை புரிந்து நூலகதிறப்பு விழாவினை சிறப்புடன் நடத்திக்கொடுக்கும்படி அன்புடன் வேண்டுகிறோம். 
தமிழ்க்குடிலின் நூலகம் மற்றும் அலுவலகம் அமைவதற்குப் பெரிதும் உறுதுணையாக இருந்துவரும் அனைத்து அன்புள்ளங்களுக்கும், நூல்கள் சேகரிப்பதில் தமது பங்களிப்பையும் நேரம் மற்றும் உடல் உழைப்பையும் கொடுத்துவரும் தோழமைகளுக்கும் தமிழ்க்குடில் தமது நெஞ்சார்ந்த நன்றியினைத் தெரிவித்துக்கொள்கிறது. தங்களது தொடர்ந்த ஆதரவினையும், பங்களிப்பையும் தமிழ்க்குடிலுக்கு வழங்கும்படி வேண்டிக் கொள்கிறோம். 

அன்புடன்
தமிழ்க்குடில் அறக்கட்டளையின் அறங்காவலர்கள்.

வாழ்க தமிழ்! வளர்க தமிழர்!! வெல்க தமிழ்!!!



August 27, 2013

விழா அறிவிப்பு...


அன்புள்ளங்களுக்குத் தமிழ்க்குடில் நிர்வாகிகளின் அன்பான வணக்கம்.
நாம் அனைவரும் ஆவலுடன் எதிர்பார்த்துக் கொண்டிருந்த தமிழ்க்குடில் அறக்கட்டளையால் தோற்றுவிக்கப்பட்டிருக்கும் இணைய வசதியுடன் கூடிய பொதுநூலகத்தின் திறப்புவிழாவின் தேதி முடிவு செய்யப்பட்டுள்ளது என்பதை மகிழ்வுடன் தெரிவித்துக்கொள்கிறோம். திறப்புவிழா வரும் செப்டம்பர் மாதம் 09-09-2013 அன்று நடைபெறவிருக்கிறது.

விழாத்தலைவர்
: உயர்திரு.நீதிபதி.ப.வு.செம்மல் B.A.,LL.M.அவர்கள். சிறப்பு நீதிபதி. தனி நீதிமன்றம்,
ஜெயங்கொண்டம்.

நூலகத் திறப்பாளர்
: பேராசிரியர் திரு.க.இராமசாமி அவர்கள், முதுநிலை ஆய்வறிஞர், செம்மொழி
தமிழாய்வு மத்திய நிறுவனம், சென்னை.


தமிழ்க்குடில்
அலுவலகம் திறப்பாளர்:
எழுத்தாளர் திரு.இமயம் அவர்கள்.

தமிழ்க்குடில்
ஆண்டு அறிக்கை வெளியிடுபவர்:
விழாத்தலைவர் அவர்கள்.

விழா துணைத்தலைவர்    : திரு.இரா.இளையபெருமாள், சிலம்பூர் ஊராட்சி மன்றத்தலைவர்.


விழா நிகழ்விடம்: தமிழ்க்குடில் அறக்கட்டளை, சிலம்பூர், அரியலூர் மாவட்டம்.

நூலகத்திறப்புவிழாவிற்கு தாங்கள், தங்கள் குடும்பம் மற்றும் நட்புடன் வருகை தந்து விழாவினை சிறப்பிக்குமாறு அன்புடன் அழைக்கிறோம். நூலகத்திறப்பு விழாவின் அழைப்பிதழ் விரைவில் பகிரப்படும் என்பதனையும் தெரிவித்துக்கொள்கிறோம். தமிழ்க்குடில் அறக்கட்டளையின் பொதுநூலகமும், அலுவலகமும் அமைவதற்கு உறுதுணையாக இருந்து தமது பங்களிப்பை வழங்கிய அனைத்துத் தோழமைகளுக்கும் தமிழ்க்குடில் தமது நெஞ்சார்ந்த நன்றியினைத் தெரிவித்துக்கொள்கிறது. தங்களது தொடர்ந்த ஆதரவினையும், பங்களிப்பையும் தமிழ்க்குடிலுக்கு வழங்கும்படி வேண்டிக்கொள்கிறோம்.

அன்புடன்
தமிழ்க்குடில் அறக்கட்டளையின் அறங்காவலர்கள்.


வாழ்க தமிழ்! வளர்க தமிழர்!! வெல்க தமிழ்!!!

August 21, 2013

தமிழ் ஆய்வுக்குழு


அன்பு சொந்தங்களுக்கு வணக்கம், 

நமது தமிழ்க்குடில் தனது அடுத்த முயற்சியாக தமிழ் ஆய்வுக்குழு ஒன்றை உருவாக்கி வருகிறது என்பதை மகிழ்வுடன் தெரிவித்துக் கொள்கிறோம். தமிழ் சமூகத்தின் மீதும், தமிழ் மீதும் பற்றுள்ளவர்கள், ஆராய்ச்சி செய்பவர்கள் தங்களை இந்த குழுவில் இணைத்துக் கொள்ள வேண்டுகிறோம்.  தங்களின் தமிழ் ஆர்வம், இதுவரை செய்திருக்கும் செயல்பாடுகள் போன்ற விவரங்களும் மற்றும் விருப்பம் உள்ள தோழமைகள் தங்கள் பெயர்களை இங்கே பதிய வேண்டுகிறோம்.


விருப்பம் உள்ள தோழமைகள் தங்களைப்பற்றிய சிறு குறிப்பு மற்றும் தங்களைத் தொடர்பு கொள்வதற்கு ஏதுவாக மின்னஞ்சல், அலைபேசி எண் மற்றும் முகவரி போன்ற விவரங்களை tamilkkudil@gmail.com என்ற மின்னஞ்சல் முகவரிக்கு அனுப்பிவைக்கும்படியும் வேண்டிக்கொள்கிறோம்.  


அன்புடன் தமிழ்க்குடில் நிர்வாகம்.

வாழ்க தமிழ்! வளர்க தமிழர்!! வெல்க தமிழ்!!!

August 20, 2013

பொதுத்தொண்டு குழு உறுப்பினர்கள் தேர்வு


அன்பு சொந்தங்களுக்கு வணக்கம்... 

தமிழ்க்குடில் அறக்கட்டளை  தனது செயல்திட்டங்களை தமிழ்நாடு முழுவதிலும் உள்ள கிராமங்களில்  நிறைவேற்றப்  பொதுத்தொண்டு குழு உறுப்பினர்களைத் தேர்வுசெய்து வருகிறது.  

தமிழ் மீதும், தமிழர் மீதும் அக்கறையும், சமூக ஆர்வமும் உடைய தோழமைகள் சமுதாயப்பணிகளில் தங்களை ஈடுபடுத்திக்கொள்ள விருப்பமிருப்பின் உடனடியாக தமிழ்க்குடிலின் நிர்வாகத்திற்கு தங்கள் விருப்பத்தையும், பெயர்,அலைபேசி, மின்னஞ்சல், முகவரி,தங்கள் ஆர்வம், பணி மற்றும் சமூக ஈடுபாடு போன்ற தங்களைப் பற்றிய சிறு குறிப்புகளையும் tamilkkudil@gmail.com என்ற மின்னஞ்சலில் தெரியப்படுத்தவும்.  தங்களிடமிருந்து பெறப்படும் அனைத்து விவரங்களும் பாதுகாப்பாக வைக்கப்படும் என உறுதியளிக்கிறோம்.

தங்களைப்பற்றிய விவரங்களை இந்த இணைப்பில் உள்ள விண்ணப்பத்தை பூர்த்தி செய்தும்  சமர்ப்பிக்கலாம்.

https://docs.google.com/spreadsheet/viewform?formkey=dHZlOVFlN0JWQ3VzbmxVVVVBNmdpUVE6MQ#gid=0

அன்புடன்
தமிழ்க்குடில் அறக்கட்டளை.

வாழ்க தமிழ்! வளர்க தமிழர்!! வெல்க தமிழ்!!!



August 17, 2013

நூலகம் - உட்புறத்தோற்றம்


அன்புத்தோழமைகளுக்கு தமிழ்க்குடிலின் அன்பான வணக்கம். 

தமிழ்க்குடில் அறக்கட்டளையின் தலைமை அலுவலகம் அமைந்திருக்கும் அரியலூர் மாவட்டம், சிலம்பூர் கிராமத்தில் இணைய வசதியுடன் கூடிய நூலகத்தின் முகப்புத்தோற்றம் மற்றும் இயற்கை சூழலில் படிப்பதற்காக அமைக்கப்பட்டிருக்கும் இருக்கைகளின் புகைப்படங்கள் தங்கள் பார்வைக்காக சென்ற பதிவில் பகிர்ந்திருக்கிறோம். தற்சமயம் நூலகத்தின் உட்புறத் தோற்றத்திலிருந்து சில புகைப்படங்கள் தங்களுடன் பகிர்ந்துகொள்வதில் மகிழ்ச்சியடைகிறோம். 
நூலகத்தின் உள்நுழைவாயில்
                                                        நூல்கள் வைக்குமிடம்
                             கணினி வைக்குமிடம
                          நூலகம் இரவுத்தோற்றம்



தமிழ்க்குடிலின் முயற்சிகள் அனைத்திற்கும் உடன் இருந்து பக்கபலமாய் கரம் கொடுத்துவரும் அன்புள்ளங்கள் அனைவருக்கும் தமிழ்க்குடில் தமது நெஞ்சார்ந்த நன்றியினை அறிவிக்கிறது. 

நூலகத்திற்காக நூல்கள், நிதிகள் வழங்க விருப்பம் உடைய அன்பர்கள் விவரங்களுக்கு நிர்வாகிகளைத் தொடர்பு கொள்ளும்படி அன்புடன் கேட்டுக்கொள்கிறோம். 

என்றென்றும் அன்புடன்
தமிழ்க்குடில் நிர்வாகம். 

வாழ்க தமிழ்! வளர்க தமிழர்!! வெல்க தமிழ்!!!